't Laevesbos

't Laevesbos is ein stök bos det door de gemeinte Ech-Söstere aan Broedersjap Ad Arbitrium Nostrum besjikbaar is gesteldj óm te gebroeke es Laevesbos.

Dit stök bos is door de gemeinte opgesjoandj en dao zeen verhardje pajer aangelag zoadet 't bos ouch väör rolstolers toegangkelik is.

't Laevesbos is te vènje in 't Kranebrook, kómmendje vanoet 't Hènge, rechtdoor hieëlemaol achteraan lènks of vanaaf Pepinusbrök via de Dominicuswaeg, wo Mie van Wullempke vreuger woondje, linksaaf, 't ieëste bos aan de rechterkantj.

  • Locatie Laevesbos
    Locatie Laevesbos
  • 20210619_112806
    20210619_112806
  • 20210619_112810
    20210619_112810
  • 20210619_112828
    20210619_112828
  • 20210619_112858
    20210619_112858
  • 20210619_112903
    20210619_112903
  • 20210619_112944
    20210619_112944
  • 20210619_112557[1]
    20210619_112557[1]
  • 20210619_112715
    20210619_112715

't Laevesbos is ein stök bos wo-in m'n op door 't Broedersjap bepaoldje plantjdaag, eine boum kèntj plantje ter herinnering aan emes of ein gebeurtenis.

Väörwaarde väör 't huren van eine boum of mieë buim:

1. Allein buim, besjikbaar gesteldj door Broedersjap Ad Arbitrium Nostrum kènne waere                    gehuurdj en door de huurder waere geplantj op door 't Broedersjap bepaoldje daag en                    plaatse in 't bos.

2. De boum/buim kènne allein waere gehuurdj väör ein nader te bepaole periode (bieväörbeeldj         25 jaor).

3. De huurder van eine boum kèntj eine teks aanlevere dae zal waere gedrök op ein plaetje                 van 20 x 20 centimaeter det door 't Broedersjap zal waere bevestigdj aan de boum/buim.

4. Dao moge gein prullaria/blome en dergelikke biej de buim achter waere gelaote.                              Äövertraejers  van deze regel waere gewaarsjuwdj en nao 2 waarsjuwinge zal de boum waere      vriegegaeve väör anger huurders. 't Plaetje mit teks zal van de boum waere verwijderdj.

    Dao zal gein restitutie van de huurpries waere gegaeve.

5. Väörluipig Insjriefformeleer

    Klik op de link hie ónger óm 't Väörluipig  insjriefformeleer in te völle. De definitieve bestèlling      volgtj later in de webshop van 't Broedersjap.

https://docs.google.com/forms/d/e/1FAIpQLSdQ_StdRed8Xh9kox3buqSY9cV815yBnUVwGmyaxmJAMVpyRA/viewform