Broedersjap Ad Arbitrium Nostrum óntwikkeltj in ‘t Marisse-Kranenbrook in Pej-Ech, in samewèrking mit de gemèndje Ech-Zöstere 't Laevesbos.
't Laevesbos is bedoeldj óm ederein dae det wiltj de gelaegenheid te gaeve óm herinneringe te deile mit angere door 't hure van eine nuuje of eine bestaondje boum. Dao kèntj ein tekstplaetje mit eige teks en/of foto bie de boum waere geplaatsj óm dudelik te make óm welke herinnering 't geit.
Dit stök bos is door de gemeinte opgesjoandj en dao zeen verhardje pajer aangelag zoadet 't bos ouch väör rolstolers toegangkelik is.
't Laevesbos is te vènje in 't Kranebrook:
1. Allein per fiets: kómmendje vanaaf De Dijk rechdoor de Leendertstraot (zandjwaeg) op 't lèste bosperceel aan de lènker kantj
2. Per auto: kómmendje vanaaf Ech äöver de Brugkwaeg (N572) richting Köningsbos achter restaurant Pepinushof lènksaaf de Dominicuswaeg op. Den de 3e zandjwaeg lènksaaf de Leendertstraot op. 't Ieëste bosperceel aan de rechterkantj is 't Laevesbos.
Ein bezeuk aan 't Laevesbos vèltj ónger bestömmingsverkieër dus g'r moog deze waeg mit d'n auto inrieje.
Parkeer d'n auto aan de kantj vanne waeg zoadanig det ouch nog anger (landjboe) verkieër langs kèntj
.jpeg?etag=undefined&sourceContentType=image%2Fjpeg&quality=85 "picture-1600 (1)")
.jpeg?etag=undefined&sourceContentType=image%2Fjpeg&quality=85 "picture-1600 (4)")
.jpeg?etag=undefined&sourceContentType=image%2Fjpeg&quality=85 "picture-1600 (2)")
.jpeg?etag=undefined&sourceContentType=image%2Fjpeg&quality=85 "picture-1600 (3)")
.jpeg?etag=undefined&sourceContentType=image%2Fjpeg&quality=85 "picture-1600 (7)")
.jpeg?etag=undefined&sourceContentType=image%2Fjpeg&quality=85 "picture-1600 (5)")
Geïnteresseerdje kriege de gelaegenheid óm in dit bos eine bestaondje boum te adopteren ter naogedachtenis aan emes of ein gebäörtenis van ein (maatsjappelik aanvaardbaar en verantjwaordj) doel, dit ter beoordeiling van ‘t Broedersjap.
1 x per jaor zal door ‘t Broedersjap eine boum plantj-/adoptie-daag waere gehaoje.
Det beteikentj det in november en december 't Laevesbos weurtj klaorgemaak ('t bos weurdj opgeruimp en teksplaetjes waere geplaatsj biej besteldje bestaondje buim) väör de Oape Daag van mieërt 't jaor dao nao.
‘t Laevesbos is ingedeildj in 3 gedeiltes, "Kranebrook", "Vènke" en "Pieël" zoadet m’n de “regio” in ‘t bos kèntj keze wo men de boum wiltj hure.
Door ‘t Broedersjap zal ein wearbestenjig plaetje van 30 x 20 cm väör ein door de huurder, bie insjrieving aan te levere teks, ter besjikking waere gesteldj. ‘t Plaetje zal door ‘t Broedersjap vaor de boum op ein päölke waere vasgemaak.
Verder zólle gein anger "prulle" in ‘t bos moge waere achtergelaote en/of aan de buim moge waere vasgemaak.
Eine bestaondje boum weurdj väör ein bedraag van € 75,00 (inclusief make teksplaetje).
Daonaeve waere väör ein door de huurder te bepaole periode van minimaal 5 en maksimaal 24 jaor
per jaor € 5,00 väör óngerhawt in raekening gebrach. Ouch dees köste mótte väöraaf waere voldaon.
M'n krig ein raekening die väör de op de raekening vermeldje datum betaaldj mót zeen.
Mieë-opbrèngste zólle jaorliks ten gooje kómme aan door ‘t Broedersjap te bepaole anger gooj doele zoadet de huurder indirek ouch weer dees gooj doele steuntj. Aan welk good doel 't geldj zal waere toegekèntj zal jaorliks op dees website waere bekèndj gemaak.
Klik op de link hie ónger óm 't Insjriefformeleer in te völle. De factuur krig g'r zoa gaw mögelik es g'r de boum in 't bos, nao óntvangs van 't baoumnummer, höbtj oetgezóg en ós höbtj doon toekómme.
ATTENTIE
De lèste daag van insjrieving väör de plantjdaag van november in eder jaor is:
31 Oktoaber
Tót deze daag kéntj de teks van 't nuuj teksplaetje nog aangepasj waere.
Daonao zeen de koste väör 't aanpasse € 25,00.
Alle insjrievinge die nao dae daag bönne kómme waere pas in 't volgendj jaor in november verwèrktj.
Ederein dae eine boum huurtj in 't Laevesbos krig ein oetnuuediging väör de aope daag van 't Laevesbos
dae altied op de léste zaoterdig van mieërt in 't jaor volgendj op de plantjdaag gehaoje zal waere
**********************************************************************************************************
Regio's Laevesbos
De Regio's in 't Laevesbos
De BESTAONDJE boum mót geer zellef gaon oetzeuke in eine van de drie regio's: Kranebrook, Vènke of Pieël en den mót geer de boum dae geer oetgezóch höbtj, markeren.
Volg de stappe hieónger in de volgorde zo-es aangegaeve:
1. Vul 't insjriefformeleer in, verzend 't formeleer en wach op de bevestiging van de bestélling die geer krig
toegestuurdj.
(Klik oppe link hie ónger).
Insjriefformeleer hure boum Laevesbos
a. Kees de regio wo de boum gereserveerdj weurtj en völ 't insjriefformeleer hieëlemaol in.
(Geer krig nao verzending van 't formeleer ein bevestiging van de bestélling)
2. Nao óntvangs van de bevestiging van de bestélling völtj geer op ein A5 papier in:
a. De naam van AANVRAOGER van de boum.
b. 't Boumnummer det in de bevestiging van de bestélling stuitj.
Bevestig dees gegaeves biej väörkäör verpaktj in ein plastic hoesje op de oetgekoaze boum.
Maak ein foto van de boum mit de gegaeves en stuur de foto nao:
info@adarbitriumnostrum.nl
**********************************************************************************************************
Es nao verloup van tied de teks op 't teksplaetje zoe mótte waere aangepasj den kan det mit dit formeleer
De köste väör ein nuuj teksplaetje bedrage € 25,00
Aanvraog wijziging teksplaetje
Es de kóntakpersoan verangertj klik den op de link óm de gegaeves aan te passe.
Dao zeen gein koste aan verbónje
